Çfarë Bayerni.

Bayern Munichu e filloi ndeshjen me një formacion të fortë, por pa një sulmues qëndror sikurse që është Mandzukic. Shaqiri startoi dhe shfaqi paraqitje të mirë në fillim.
Sidoqoftë, ishte sulmuesi boshnjak Vedat Ibisevic ai që i dha goditje të rëndë Bayernit në minutën e 29-të, duke shënuar për 1-0.
Bayerni tentoi të kthejë rezultatin, por nuk ia doli. Në pjesën e dytë kur e pa se ekipi i tij nuk po mund të shënonte, Guardiola duket se u bind se pa sulmues qëndror nuk mund të luajë. U larguan Shaqiri dhe Kroos, dhe u inkuadruan Pizzarro e Mandzukic.
Bayerni e dominoi sfidën me shumë raste, dhe ishte Pizzarro ai që realizoi pas asistimit të Thiago Alcantaras në minutën e 76-të për 1-1.
Bayerni provoi të kthente gjërat, dhe kur të gjithë menduan se sfida mbaroi, ishte Thiago Alcantara ai që realizoi për 2-1 dhe fitoren e madhe të Bayernit.
Pas javës së 18-të është Bayerni që ka kryesimin në Bundesliga me 50 pikë, 13 pikë më shumë se sa Bayer Leverkusen që ka pozitën e dytë, por që ka tri ndeshje që nuk di për fitore.