Farfan: Mund ta mposhtim Bayernin

Sulmuesi i Schalke, Jefferson Farfan, është optimist se skuadra e tij mund t’i shkaktojë probleme Bayern Munichut në derbin e të shtunës në Bundesliga.

 “Ne sigurisht se do të japim gjithçka, por përballemi me një prej ekipeve më të mira në Evropë. Ata janë kampionë të Gjermanisë dhe mbajnë titullin e Ligës së Kampionëve”.

“Megjithatë ne luajmë në shtëpi dhe gjithçka është e mundshme me mbështetjen e tifozëve tanë. Ne do të japim të pamundurën për të shënuar fitore”, ka thënë Farfan për Goal.com.